Ватандин Чlехи дяведин ветеранди, 1-гуппадин набутди вич дарманралди таъминарзавачирдан гьакъиндай кхьенвай арзадал асаслу яз, Махачкъала шегьердин Советский райондин прокуратуради ахтармишунар кьиле тухвана. И гьакъиндай «Лезги газетдиз» РД-дин прокуратурадин пресс-къуллугъди хабар гузва.
Къейдзавайвал, 9-нумрадин поликлиникада вилерин экв зайиф тирвиляй учетда авай набут инсанди дарманрин тайин сиягь къачун герек я.
Ахтармишайла дуьздал акъатайвал, РД-дин здравоохраненидин министерстводи къейднавай дарманар хейлин вахтунда эглешарзава, ахпа бес кьадарда авачиз ахъайзава. Нетижада ветерандин сагъламвал пис жезва. Гьавиляй ам вичин хсуси такьатрихъ дарманар къачуниз мажбур жезва.
Ахтармишунрин нетижада РД-дин здравоохраненидин министрдин адресдиз къанун чlурнавай дуьшуьш туькlуьр хъувун патал кагъаз ракъурнава.
«Лезги газет»
