23-февралдиз, Ватан хуьзвайбурун суварин юкъуз, Дагъустандин Кьилин везифаяр вахтуналди тамамарзавайди тир Владимир Васильев, РД-дин Гьукуматдин Председатель Артём Здунов ва РД-дин къенепатан крарин министр Абдурашид Мегьамедов Сергокъала хуьруьз фена.

«Дагъустан» РИА-ди хабар гузвайвал, республикадин вилик-кьилик квай ксарин дестеди Россиядин Игит Мегьамед Нурбагандов яшамиш хьайи кlвалин цлал алкlурнавай рикlел хкунин кьулунин патав цуьквер эцигна. Мугьманри Игитдин диде-бубадихъ галаз ихтилатарна, чай хъвана.

Рикlел хкин, Россиядин Президент В.Путина вичин къарардалди машгьур дагъустанвидиз Россиядин Игитдин тlвар (игитвилелди кьейидалай кьулухъ) ганай.

Куругъли Ферзалиев