Махачкъаладин «Динамо» команда Россиядин чемпионатдин 7-турда «Анжи Аренадал» «Родина» командадихъ галаз къугъвана ва 2:0 гьисабдалди чибур гъалиб хьана. «Родинадин» варариз сад лагьай туп Гьамид Агъаларова ва кьвед лагьайди Хуссем Мрезига яна.

«Альфа банк. Россиядин премьер-лигадин» акъажунрин таблицада алай вахтунда 12 хал авай «Динамо» ругуд лагьай чкадал ала. Вад лагьай чкадал алай Санкт-Петербургдин «Зенитдихъни» 12 хал ава. Чемпионатдин таблицадин кIвен­кIвечи 19 хал авай «Краснодар» я.

Къейд ийин, Махачкъаладин «Динамоди» 8-турдин нубатдин къугъун «Ахмат» командадихъ галаз 13-сентябрдиз Грозный шегьерда кьиле тухуда. Кас­пийскда нубатдин къугъун «Динамоди» «ЦСКА-дихъ»­ галаз 17-сентябрдиз кьиле тухуда.

Куругъли Ферзалиев