Кьурагьрин хуьруьн аялринни жаван­рин спортдин школадив спортдин цIийи тадаракар агакьнава. Абур кьурагьви меценат, машгьур тренер, РФ-дин физический культурадин лайихлу къуллугъчи Надир Мегьамедова вичин такьатрихъ маса къачуна.

Къейд ийин хьи, Надир Мегьамедов­ Владимирдин Александр ва Николай­ Столетоврин тIварцIихъ галай гос­уни­вер­ситетдин физический культурадинни­ спортдин институтдин «Буревестник» тIвар алай спортшколадин регьбер, Владимирдин областдин грекринни римлуйрин жуьреда кьуршахар кьунай старший тренер, СССР-дин спортдин мастер, Россиядин лайихлу тренер я.

Вичин хайи хуьре кардик квай спорт­школадиз жумарт хци азаддиз юкьварар кьунал машгъул хьун патал герек къведай спортдин махсус гам (борцовский ковер), гьасирар ва гъутарин гьужумар хъсанарун патал ишлемишзавай спортдин аюх (тренировочное чучело) пишкешна.

Спортдин тадаракар Владимирдай Кьурагьиз хкиз тренер Рамиз Гьашумова­ куьмекна. Ада харжийриз акъатзавай пул­дин такьатар чара авун патал меценатар желбна.

Спортшколадин администрацияди ва коллективди куьмек гунай машгьур тренер Надир Мегьамедовичаз сагърай лугьузва. ЦIийи тадаракар себеб яз, ина спортдал машгъул жезвай аялриз мадни хъсан, къулай шартIар тешкилиз жеда.

Чи мухбир