И йикъара неинки Ахцегьрин хуьруьнвияр, гьакIни вири районэгьлияр патал пашман вакъиа хьана — залан азарди къакъудай, чинал гьамиша хъвер алай, рикIиз чими, хъсан инсан, вафалу дуст, играми диде, тежрибалу пешекар Асулова Минара Расуловна уьмуьрдин эхиримжи сефердиз рекье туна.
М.Р.Асулова 1957-йисан 16-июндиз Ахцегьрин хуьре дидедиз хьана. ГъвечIи чIавалай рикI музыкадал алаз, ада вичин вири уьмуьр гьа и рекьиз бахшна. ДГПИ акьалтIарайдалай кьулухъ ада, 1975-йисалай башламишна, музыкадин муаллимвиле кIвалахнай. Гуьгъуьнлай, 2002-йисалай кьулухъ адакай Ахцегь райондин Р.Гьажиевадин тIварунихъ галай музыкадин школадин директор хьана. Санал кIвалахай юлдашриз Минара Расуловна агъайна, успагь дишегьли, хъсан чирвилер авай педагог, тежрибалу директор, къени къилихрин, чарадан дердиникай хабар кьадай камаллу инсан яз чидай. Аллагьдин рагьмет хьурай вичиз.
Ахцегьрин Р.Гьажиевадин тIварунихъ галай музыкадин школадин муаллимрин профсоюздин коллективди ва ина кIелзавай ученикри Минара Расуловнадин багърийриз, мукьва-кьилийриз, дериндай хажалат чIугуналди, башсагълугъвал гузва.
