5-октябрдиз, Муаллимрин йикъан суварин сергьятра аваз, РФ-дин Президент Владимир Путина СВО-дин иштиракчийрин муаллимрив ва насигьатчийрив гьукуматдин шабагьар вах­кана.

Абурун арада Россиядин Игит Энвер Набиеван насигьатчи Елена Юсуфова ва Жуьрэтлувилин пуд ордендин сагьиб Мегьамед Валихован классдин руководитель Патимат Исаева авай. Абуруз кьведазни «Россиядин Федерациядин лайихлу муаллим» тIвар гана.

Шад гьалара шабагьар вахкудай мярекатдал Верховный Главнокомандующийди къейд авурвал, муаллимрихъ галаз санал къе Ватандин аслу туширвал ва милли итижар хуьзвай абурун ученик­рал вири уьлкведи дамахзава. 

Къейд ийин, «Россиядин Федерациядин лайихлу муаллим» лагьай гьуьрметдин тIвар В. Путинан къарардалди и йи­къа­ра СтIал Сулейманан райондин Курхуьруьн мектебдин лезги чIалан тежрибалу муаллим Гуьзел Межидовадизни гана.

Сейливилин тIварцIиз лайихлу хьанвай муаллимриз чна еке агалкьун рикIин сидкьидай мубаракзава.

Чи  мухбир