И йикъара РД-дин Кьилин везифаяр вахтуналди тамамарзавай Фёдор Щукина «Дагъустандин команда» прог­раммадин нубатдин иштиракчийрихъ галаз суьгьбет кьиле тухвана. Идакай «Лезги газетдиз» РД-дин Кьилин пресс-къуллугъди хабар гана.

РикIел хкин, тIвар кьунвай программа республика хъсанвилихъ тухунин рекье зегьмет чIугваз гьазур ксар патал кардик кутунва. Адан сергьятра аваз кар алакьдай пешекарар желбзава, абур кадрийрин резервдик кутазва.

Алай вахтунда программада 5 агъзур­далай гзаф ксар регистарция авунва. Нубатдин кьуд лагьай гуьруьшдал Ф. Щукина кандидатрин гьазурлухвилин вини ­дережа къейдна. Кьилди къачуртIа, и сеферда эцигунрин, улакьрин, санайидин ва финансрин хилериз талукь пешекарри чпин алакьунрикай ихтилатна. Абурун арада урбанис­тар, архитекторар ва проектировщикар ава.

«Чи везифа абурукай жемиятдиз­ хийир хкатдай хел тайинарун я. Ре­­зерв­­­дик кутур вири­буруз кIвалах теклифда», – лагьана ­Фёдор ­Щукина.

С. Салимов