“Лезги газетдиз” РД-дин здравоохраненидин министерстводин пресс-къуллугъди хабар гайивал, и йикъара республикадин са шумуд азархана патал меценатри ИВЛ-дин (нефес къачуз куьмекдай) 11 аппарат маса къачуна.
Абурукай 7 Махачкъалада авай са азарханадив агакьна. Са-са аппарат Бабаюрт, Новолак ва Акуша районриз рекье туна. Мад са аппарат республикадин урологиядин центрадиз чара авуна.
Чешмеди къейд авурвал, мергьяматлувал авунвай са меценатди вичин тIвар раиж тавун тIалабна. ИВЛ-ар маса къачурбурукай сад жемиятдин “Зи Дагъустан” тIвар алай тешкилат я.
«Лезги газет»
