27-июлдиз РФ-дин хуьруьн майишатдин министр Оксана Лута РД-дин Гьукуматдин Председатель Мегьамед Рамазановахъ галаз гуьруьш кьиле тухвана. Абуру республикадин мелиора­циядин къурулуш вилик тухунин, «Хуь­руьн мулкар комплекснидаказ вилик тухун» программа кьилиз акъудунин ва региондин хуьруьн майишатдин хел патал пешекарар гьазурунин месэлаяр веревирдна.

Гуьруьшдал къейд авурвал, 2025-йисуз Дагъустанда хуьруьн майишатдин суьрсет гьасилунин умуми кьадар 3,1 процентдин артух хьана. Алай йисан сад лагьай паюна недай-хъвадай затIарин ва гьялдай промышленностдин бязи хилер вилик фин давам жезва. Йисан сифте кьилерилай инихъ къецепатан регионриз маса ганвай суьрсетдин кьадар 34,8 процентдин артух хьанва.

Къейд ийин хьи, цIи Дагъустандин АПК-дин хел вилик тухуниз федеральный бюджетдай 3,4 млрд манат пулдин такьатар чара авун пландик кутунва. Асул фикир мелиорациядин къурулуш цIийи хъувуниз гуда, Самур-Дербент къанал кардик кухтада ва гатфарихъ къвайи къати марфарин нетижада зиянар хьанвай аграрийриз куьмекар гуда.

Гуьруьшдал Мегьамед Рамазанова хабар гайивал, РФ-дин хуь­руьн майишатдин министерстводин куьмекдалди алай вахтунда республикадин мелиорациядин­ объ­ектрал цIийикIа туь­­­кIуьр хъувунин кIвала­­хар кьиле физва­. Абур вири планда къалур­­навай вахтунда­ акьал­тIардайвал я. Эхирдай М. Рамазанова Дагъустандиз куьмекар гунай федеральный дережадин министр­диз сагърай лагьана.

Чи мухбир