22-июлдиз СтIал Сулейманан­ районда цIи мектебар акьал­­тIарнавайбур патал лишанлу­ ва шад вакъиа кьиле фена­: рай­администрациядин пуд мер­­тебадин дараматдин­ актовый залда мектебар лап хъсан къиметар аваз акьал­тIа­райбурув къизилдин ва гимишдин медалар, РД-дин образованидин ва илимдин ­министерстводин, райондин кьи­лин чухсагъулдин чарар вахкана.

Шадвилин мярекатда райондин кьил Саид Темирханова, адан сад лагьай заместитель Заур Къагьриманова, образованидин отделдин начальник Гьуьсейн Шихбабаева, РОО-дин кьилин пешекарри, мектебрин директорри ва муаллимри, мектебар акьалтIарнавай аялрин диде-бубайри иштиракна.

Мярекатдин сергьятра аваз, тебрикдин ва алхишдин келимаяр лугьунихъ галаз санал Саид Темирханова 26 аялдив – къизилдин, 26 аялдивни гимишдин медалар, РД-дин обра­зованидин ва илимдин минис­терстводин чухсагъулдин ча­рар, ЕГЭ-да кьве предметдай 90-далай виниз баллар къачур Пакизат Нажафовадивни­ Амина Довлетхановадив – (кьведни ЦIийихуьруьн мектеб­да кIелнавайбур я) райондин­ кьилин чухсагъулдин чарар, абуруз дерин чирвилер гайи ЦIийихуьруьн юкьван мектебдин муаллим Шерфехалум Гьай­даровадив райадминистрациядин патай Гьуьрметдин грамота вахкана.

Мярекатдал мектебар акьал­­тIарнавай Пакизат Нажа­фо­ва­ди (ЦIийи хуьр), Саида Гуьл­ме­гьамедовади (Кьулан СтIал) ва Милана Рагьимхановади (Курхуьр) чпиз чирвилер гунай му­аллимриз сагърай лагьана. Ди­де-бубайрикай Валентин Хан­ба­­ла­ев (чIехи буба), Шемея Исае­ва­, Алирза Довлетханов ра­ха­­­на, абуру жаванар теб­рикна.

Хазран Кьасумов