Мукьвара кIелзавайбурув лезги чIалал акъатзавай «Самур» журналдин 3-нумра агакьнава. 381 экземплярдин ти­­раж аваз чапзавай и журналдин жавабдар редактор Дагъус­тандин халкьдин писатель Абдуселим Исмаилов я.

ЦIийи  нумра гатфарихъ Да­гъустанда къвайи къати марфарин нетижада арадал атай гьаларикай кхьенвай «Завалри­хъай завалар» макъаладилай га­тIун­зава.

ГьакIни и нумрада Дагъус­тандин халкьдин шаир Фей­зу­дин­ Нагъиеван 75, Дагъустандин халкь­дин писатель Къияс Межидован 115 йис тамам хьунихъ галаз алакъалу яз, абурун эсерар ганва.

Чи фикирдалди, писателдин экуь къаматдиз гьуьрмет авунин лишан яз, Къияс Межидован яратмишунрикай профессор Гьажи Гашарова кхьенвай макъалани адан эсерар журналдин эхирдай ваъ, эвел кьиляй ганайтIа, хъсан жедай.

Нумрада мад А. Исмаило­ван­ «Варгъаба» романдай чIу­кар,   А. Ашура­гъа­еван шиирар, азербайжан ва урус чIаларал кхьизвай писа­тель Ч. Абдуллае­ван «Зулумкардин хъен» роман­­дай­ чIу­кар (лезги чIалаз Гь. Илья­­сова­ тар­жума авуна), А. Пушки­нан, М. Лермонтован, С. Есенинан эсерар (лезги чIалаз А. Исмаилова элкъуьрна) ганва.

Чи  мухбир