Сифте ахтармиша…

«Энергосбыт» карханадин тIварцIе­лай зенг атун хьайитIа, ам луту яни, тушни ахтармиша. Идакай ЕГП «Дагэнергосбыт» карханадин телеграм-каналди раижзава.

Къейдзавайвал, лутуйри таб къундармишунин къурулуш ихьтинди я. Квез таниш тушир нумрадай зенг ийизва ва лугьузва:

– счетчик дегишун герек къвезва;

– лицевой счет тестикьарна ва я дегишна кIанзава;

– цIийи кьилелай гьахъ-гьисаб (перерасчет) хъувуна кIанзава;

– делилар «Госкъуллугъар» порталдихъ галаз кьадайвал (синхронизировать) хъувуна кIанзава.

Ахпа СМС-дай хтанвай код чпиз лугьун тIалабзава. Чир хьухь, абур лутуяр я.

Эгер, кар я, куьне абуруз код лугьун хьайитIа, абурун гъиле вуч гьатзава:

– абурувай куь «Госскъуллугъар» портал ачухиз жезва, пароль дегишарда ва куьне аккаунт квадарда;

– абурухъ куь тIварцIел кредит ва я микрозайм туькIуьрдай мумкинвал жеда;

– маса гьиллеяр, уюнар авун патал абурун гъиле куь хсуси делилар гьатда;

–  лап пис нетижада абурухъ куь банкунин приложенийра гьахьдай мумкинвал жеда.

ХъуьтIуьз гьазурвал аквазва

ХъуьтIуьз гьазурвал акунин сергьят­ра аваз, Дагъустанди саки 50 километр цин куьгьне хьанвай турбайрин сетар де­гишнава. Идакай РД-дин кабминдин телеграм-каналди хабар гузва.

Чешмеди раижзавайвал, республикадин муниципальный тешкилатрин ЖКХ-дин объектар 2026-2027-йисарин зулунни хъуьтIуьн муддатдиз гьазур хьуникай махсус мярекатдал Дагъустандин эцигун­рин, архитектурадин ва ЖКХ-дин ми­нистр­­дин везифаяр вахтуналди тамамарзавай Анвар Шамилова лагьана.

Республикадин муниципалитетри ха­бар гузвайвал, сезондин кIвалах патал­ ЖКХ-дин объектар, 19 августдин делил­ралди, юкьван гьисабдалди 62 процентдин гьазур я. Анвар Шамилова муниципалитетрин кьилерин рикIел хкайвал,­ МО-яр 100 процентдин гьазурлухвилив­ 2026-йисан 1-ноябрдалди агакьна кIан­зава.

Хабар гузвайвал, чимивилелди таъминардай муддатдиз гьазур хьунин сергьятра аваз, пландик кутунвай 12,1 миллион м² яшайишдин кIвалерин (жилищный) фондуникай шегьерра ва районра­ 9,8 миллион м² гьазурнава, яни умуми­ гьисабдикай 81 процент. Кьилди къа­чур­тIа, чимивилелди таъминарунин хиляй 481-дакай 336 котел авай чка (70 процент) ва 17-дакай 11 ЦТП (центральный тепловой пункт) (64 процент) гьазурнава.

Коммунальный сетар гьазурунин хиляй ремонтдин кIвалахар кьиле тухванва:

–  чимивал гудай сетрин пландик кутунвай 189,3 километрдикай 109,3 километр;
– цин турбайрин сетрин  пландик кутунвай 2 593,9 километрдикай 1669,2 километр;
– канализациядин сетрин, пландик кутунвай 209,9 километрдикай 139,5 километр.

Куьгьне хьанвай сетар дигишунин кIвалахар кьиле тухванва:

– цин турбайрин сетрин пландик кутунвай 101,2 километрдикай 48,8 километр;

– канализациядин сетрин пландик кутунвай 21,53 километрдикай 10,59 километр;

– кьве турбадикай ибарат чимивал гудай сетрин (садай кIвалериз чими яд физвай муькуьдай къайи хьайи яд элкъвена хквезвай), пландик кутунвай 39,01 километрдикай 13,96 километр.

Жува-жув гьикI хуьн лазим я?

«ЕГП» (единый гарантированный­ пос­тавщик) компанияди телефондай сад­рани хсуси делилар ва СМС-рай атанвай кодар хабар кьазвайди туш.

Гьа са вахтунда чешмеди агьалийриз и пуд къайдадал амал авун теклифзава:

  – садрани садазни СМС-рай хтанвай кодар лугьумир ва рекье твамир;

 – сообщенийрай атанвай ссылкайрал элячIмир;

  – шаклу дуьшуьш хьайила, «ЕГП» компаниядиз жува зенг ая ва арадал атанвай кардин гьакъикъат гьихьтинди ятIа чира.

Информация ахтармишун патал контактар:

– «ЕГП» компаниядин сад тир кон­такт-центр: 8 (800) 250-16-56 (пулсуз); –  гьа и компаниядин официальный сайт https://rd.paoegp.ru;

–  «Дагэнергосбыт» филиал яшайишдин сетра: Max I Телеграм I ВКонтакте.

Гьазурайди – Муса  Агьмедов