Диде-бубадин кIвалахдилай, хизандин къазанжидин дережадилай аслу тушиз, аял хьайила са сеферда гузвай пулунин такьатар вири хизанриз талукь я.
2025-йисан 1-февралдилай и пособидин кьадар 26,9 агъзур манатдикай ибарат я. Эгер диде-бубади кIвалахзаватIа, аял хьунихъ галаз алакъалу яз са сеферда гузвай пулунин такьатар гьам бубадивай, гьамни дидедивай къачуз жеда. Эгер диде-бубадикай сада кIвалахзавачтIа, и дуьшуьшда ни кIвалахзаватIа, гьадавай къачуз жеда.
Россиядин яшайишдин фондуни кIвалахдик квай диде-бубайриз и такьатар арза галачиз, яни ЗАГС-ди аял хьанвайвилин гьакъиндай малумат агакьарайдалай кьулухъ тайинарда.
КIвалахдик квачир диде-бубайривай пособие къачун патал «Зи Документар» идарада, «Госкъуллугъар» порталдин куьмекдалди ва я Яшайишдин фондуна арза вугуз жеда.
МФЦ-дин пешекарри рикIел хкизвайвал, и такьатар аял дидедиз хьайидалай кьулухъ 6 вацран муддатда тайинарна кIанзава. МФЦ-да арза вугун патал ихьтин документар герек я:
— диде-бубадин паспортар;
— аял дидедиз хьайивилин гьакъиндай шагьадатнама;
— эвленмиш хьунин гьакъиндай къарар, бубавал тайинарунин гьакъиндай шагьадатнама;
— аял хьайивилин гьакъиндай справка;
— диде-бубадикай пособие нин кIвачихъ тайинарзаватIа, гьадан банкунин делилар;
— вири хизанэгьлийрин СНИЛС-ар.
«ЛГ»
