Заландиз азарлубур патал уьмуьр асан­тарзавай затIариз — сагъламвал гуьн­гуьна хутадайла ишлемишдай техникадин такьатриз — куьрелди ТСР (технические средства реабилитации) лугьузва.

Ихьтин такьатрик неинки техникадин тадаракар, гьакI санлай инвалидвал авай инсанар патал арадал гъанвай маса затIарни акатзава, гьа жергедай яз михьивал авун патал ишлемишдай материаларни.

Инвалидривай ТСР государстводин патай гьавая къачуз жезва. «Зи Документар» (МФЦ) идарада ТСР къачунин жигьетдай арза вугун патал ихьтин документар герек я:

— паспорт;

— МСЭ-дин (медико-социальная экспертиза) справка;

— реабилитациядин кьилдин программадин карта;

— дидедиз хьайивилин гьакъиндай шагьадатнама  (эгер  инвалид  аял ятIа);

— инвалиддин ва адан къанунлу векилдин СНИЛС-ар.

«Лезги газет»