Ихтилатрик кваз, гадаяр куьчедин къерехда акъвазнавайла, патавай, салам гана, элячIна, Гьарус фена.

- Ядаяр, - лагьана къунши хуьряй мукьвал-мукьвал и хуьруьз къвез-хъфизвай Куругълиди, - и Гьарус фейи чка-мка авайни? Ам фадлай ахквазмачир ман инра?

- Ва-а-аъ, ам гьа инра авайди я, - лагьана Керима кар тес­тикьардай жуьреда. - Ам юкъуз аквадайди ту-у-уш.

Куругъли Керимаз, вичикай зарафат авурдаз хьиз, серин кваз килигна акурди, гадайрик хъуьруьн акатна... Ахпа са арадилай Куругъли вични хъуьрез башламишна. Лугьумир кьван, Гьарусан лакIаб «чинер» яз хьана.

Сабир Эфендиев, Штул