Дагъустан Республикадин образованидин ва илимдин министерстводи 2026-йисуз умуми сифтегьан, асул ва юкьван образованидин программаяр уьмуьрдиз кечир­мишзавай виридалайни хъсан муаллимриз РД-дин Кьилин патай шабагьар гуниз талукь конкурс башламишзавайдакай хабар гузва.

Конкурс муаллимриз куьмекунин, тарсар гунин ери хкажунин, пешекарвилин устадвал вилик тухунин ва педагогвилин лап хъсан тежриба чукӀурунин мураддалди кьиле тухузва. Конкурсда иштиракун патал информациядин «Лап хъсан муаллим» системада регистрация авун ва http://grant.dagminobr.ru сайтдин куьмекдалди документар агакьарун лазим я. Арзаяр кьабулун 2026-йисан 1-августдилай 10-сентябрдалди давам жеда.

Конкурсдин нетижайрай Дагъустан Республикадин лап хъсан 100 муаллимди педагогвилин кӀвалахда къазанмишай агалкьунрай 100 агъзур манатдин кьадарда аваз шабагьар къачуда.