Алай вахтунин жемиятдинни сиясатдин гьалара, чи уьл­кведиз къецепатай къвезвай къурхуяр гужлу жезвайла, милли руьгь мягькемарунин, гьакъи­къи ватанпересар тербияламишунин месэлаяр иллаки хцидаказ акъваззава ва абур гьялуниз артух фикир гана кIанзава. 

Лезги халкьдин къагьриманвилин «Шарвили» эпосдин сувар гъилевай йисуз, са бязи агьвалатар себеб яз, тайинарнавай вахтунда тухваначтIани, Кьасумхуьрел кардик квай «Куьредин ярар» культурадин центради и сувариз талукьарнавай «Шарвилидиз эвера!!!» тIвар алай махсус кIватIал акъуднава. Адак чи яратмишзавай интеллигенциядин векилри гьазур­на­вай ватанпересвилин эсерар акатнава. Абур жегьилар ватанпересвилин руьгьдаллаз тербияламишдай, СВО-да иштиракзавай чи аскерар руьгьламишдай вижевай материалар я.

Лагьана кIанда хьи, и гуьрчег ктаб ам туькIуьрайбуру, чIе­хи мумкинвилер авай ксар туш­тIани, чпин гьакъидихъ акъуд­на. Ашкара тирвал, гьа ихьтин кьилди ксарин хийирлу гьерекатри жемиятда, лазим атайла, уьлкведин даяхдиз элкъвез­вай «хъуьтуьл къуват» арадал гъизва. Гьавиляй ватанпересвилин руьгьдаллаз тербияламишунин­ кIвалахдиз къуват гузвай и ­жуьредин гьерекатриз чкайрал ­му­ниципалитетрин къурулушрай лазим куьмекар гузвайтIа хъсан тир.

Агьмедпаша ­Агьмедпашаев