Докъузпара районда президентдин сечкийрин нетижаяр кьуна. Къейд ийин, Докъузпара райондин жемятдикай сес гайибурун кьадар 96 процентдив агакьнава. И рекъемдалди районди рекорд эцигнава. Райондин ТИК-дин председатель Ж.Жалалова къейд авурвал, сесер гудай вахтунда участокра къайдаяр чlурай гьич са дуьшуьшни хьанач.
Сечкийрин юкъуз 10 023 докъузпаравиди сес гана, санлай къачурла, сес гайибурун кьадарди 96 процент тешкилзава. Активнидаказ сесер гайибурук Къалажух, Кьилер, Авадан хуьрер акатзава.
Агьалийрин чlехи паюни (98 процентдилай виниз) Владимир Путиназ сес гана. Амай кандидатриз лап тlимил кьадарда сесер хьана.
Чи мухбир
