Къе, 21-мартдиз, Дагъустан Республикадин Премьер-министр Артем Здунова здравоохраненидин министерствода кlвалахдин рекьяй совещание тухвана. И гьакъиндай «Лезги газетдиз» министерстводин сайтди хабар гузва.
Министерстводин къуллугъчийрихъ галаз таниш хьана, совещание тухвайдалай кьулухъ Гьукуматдин Кьилиз госоргандин месэлайрикай, авай мумкинвилерикай ва уьмуьрдиз куьчуьрмиш тавунвай крарикай чир хьана.
Совещанидал «Земской доктор» программа уьмуьрдиз куьчуьрмишунин гьакъиндайни ихтилатар авуна. Дарманралди таъминвилиз ва республикадин здравоохраненидин материалринни техникадин базадиз талукь месэлани къарагъарна.
Вичин нубатда РД-дин здравоохраненидин министр Танка Ибрагьимова автопарк 63 процентдин куьгьне хьанвайвиляй четинвилер ацалтзавайдакай лагьана.
«Лезги газет»
