И йикъара Кьурагь районда столдал къугъвадай теннисдал рикI алайбурун­ арада ачух турнир кьиле фена. Ана 30-далай виниз ксари иштиракна­, абурун арада чкадин, гьакI республика­дин­ машгьур теннисистри спортдин­ и жуьредай чпин устадвал къалурна­. Турнир­дин гьуьрметлу мугьманрин­ ара­дани машгьур спортсменар, кьил­ди­ къа­чуртIа, столдал къугъвадай тен­нис­­дай Дагъустандин призёр, Россиядин чемпион Артур Къафаров ва масабур авай.

Кьилди ксарин арада къугъунрин финалдин вири пуд чкани машгьур тренер Рамиз Гьашумован­ гъилик вердишвилер къачузвай жегьилри кьуна: Мугьаммад Катибова – 1, Умар Къурбанова – 2, Самир Къурбанова – 3. Жуьтерин арада къугъунра Мугьаммад Катибова ва Рамиз Гьашумова – 1, Зураб Муслимова ва Асланхан Тагьирова – 2, Абдурашид Будаева ва Алим Мурадова 3-чкаяр кьуна.

Кьурагь райондин кьил З. Азизова тренер Р. Гьашумоваз чухсагъулдин чар гана. Кьурагьрин хуьруьн советдин кьил Н. Бабаева – турнирдин вири иштиракчийриз грамотаяр, кубокар, пулдин пишкешар. 

Рагнеда Рамалданова