Алай вацран сифте кьилера Кабардино-Балкариядин меркез Нальчикда дя­ве­дин­ махсус серенжемдин ветеранриз ва абурун хизанриз яшайишдин рекьяй куьмек гунин месэлайриз талукьарнавай се­ми­нар-совещание кьиле фена. Адан кIва­­­­лахда Дагъустан Республикадин Гьу­ку­матдин Председателдин за­меститель­ Аб­дурагьман Магьмудовани иштиракна.

Семинардин сергьятра аваз, мярекат­дин­ иштиракчияр тир государстводин «Ватан хуьз­вайбур» фондунин кьиле авайбуру ва Кеферпатан Кавказдин федеральный округдин­ са жерге ведомствойрин комиссийрин ве­кил­ри дяведин махсус серенжемдин иштиракчий­риз, ветеранриз ва абурун хизанрин­ векилриз яшайишдин рекьяй куьмек гунихъ галаз алакъалу саки вири месэлаяр веревирдна.

Арадал къвезвай месэлаяр гьялдай рекьер жагъуруниз, уьлкведин регионра СВО-дин иштиракчийрин гьакъиндай къайгъу чIугу­низ талукь хъсан тежриба чируниз, и важиблу кардал гьукумдин вири дережайрин органар желб авуниз ва абурун кIвалах менфятлуди хьун патал гуьзчивилик кутуниз кьилин фикир гана. Мярекатдал веревирд авур вири мес­элайриз талукь къарарар кабулна. Абур чкайрал уьмуьрдиз кечирмишда. И кардал регионрин кьилери ва гьукумдин органри гуьзчивалда.

Семинардин сергьятра аваз, Нальчикда дяведин махсус серенжемдин ветеранрин арада спортдин мярекатарни кьиле тухвана. Абура СКФО-дин вири субъектрин ко­мандайри иштиракна. СВО-дин ветеранар СКФО-да РФ-дин Президентдин векил Юрий Чайкади тебрикна.

Абад Азадов