За Яракьлу Къуватрин ва Ватандин ЧIехи дяведин ветеранриз, аскервилин частара къуллугъзавай ва зегьмет чIугвазвай виридаз Ватан хуьзвайбурун югъ мубаракзава.
Ватандин вилик лайихлувилерилай, чандилайни гъил къачуна, игитвал къалурай кьегьал аскеррин крарилай къе чна дериндай разивалзава, абуруз сагърай лугьузва. Ватандиз вафалувилелди къуллугъдай, уьлкведин милли итижар хуьдай, адан оборонадин бажарагълувал мягькемардай, чи гьар са агьалидин ва обществодин секинвал таъминардай гьуьрметлу ва четин пеше хкянавай гьар са кас чна къе рикIин сидкьидай гьуьрметдивди тебрикзава.
Чи уьлкве кIвачел акьалтунин тарих, са рахунни алачиз, чи Ватан патал женгер чIугур мягькем руьгь ва къуват авай аскеррин несилрин уьтквемвилихъ, викIегьвилихъ галаз алакъалу я.
Россиядин Президент Владимир Владимирович Путина государстводин бинеяр мягькемарунихъ, милли итижар хуьнихъ ва оборонадин бажарагълувал хкажунихъ рекье тунвай сиясат кьиле тухунин нетижада чи уьлкведи вич военный чIехи держава тирвилин тIвар чкадал хкана.
Чи ветеранрин пак адетар давамаруналди, алай аямдин Ватан хуьзвайбуру чпин аскервилин устадвал хъсанарзава, гьар са рекье ва гьакI международный терроризмдихъ галаз женг чIугуналдини чпин вилик эцигзавай везифаяр уьтквемвилелди кьилиз акъудзава.
Чи республикадин мулкуна авай аскервилин частариз чна инлай кьулухъни герек тир куьмекарда, ветеранриз яшайишдин рекьяй къулайвилер тешкилда, жегьилриз аскервилинни ватанпересвилин тербия гунин, оборонадин промышленность вилик тухунин, Дагъустандин хатасузвал хуьнин ва экономика пайгардик кутунин рекьяй алакьдай вири крар ийида.
Россиядиз — чи умуми Ватандиз — къуллугъ авунин карда агалкьунар, виридахъ мягькем сагъламвал, ислягьвал, хушбахтлувал хьун зи мурад я!
Дагъустан Республикадин Кьилин везифаяр вахтуналди тамамарзавай В.Васильев
