22-августдиз Дагъустандин эко­номикадин уьмуьрда лишанлу вакъиа хьана: респуб­ликадин меркезда 10 гектардин майдандал ширинлухар акъуддай «Юнион» фабрика­ ачухна. Карханади йиса юкьван гьисабдалди 12 агъзур­ тонндив агакьна суьрсет акъуд­­­дайвал я. Инвесторди и проектдиз 2,8 млрд манат чара авуна.

ЦIийи карханадин бине кутунвайди чи ватанэгьли, Ахцегь­ райондин Чеперин хуьряй тир Аб­дулагь Девришбегов я. Къейд ийин хьи, ширинлухрин базар­да виликдай адан диде-бу­ба­ди­ни кIва­лахна. Фаб­ри­кади суьр­сет­ асул гьисабдай аялар па­тал акъуд­да: манпасияр, гьар жуьре­дин къенфетар­, мармалатар, вафлияр ва маса­бур. Малум хьайивал, ина кIва­лахдайбур патал 110 чка арадал гъидайвал я.

Фабрика ачухунин мярекатда РД-дин Гьукуматдин Предсе­датель Мегьамед Рамазанова иштиракна. ЧIехи проект кьилиз­ акъуднавайбурухъ галаз санал­ ада яру цIирх шад гьалара атIа­на. И кархана чи ватанэгьлийри Махачкъалада эцигнавай чIехибурукай сад я.

Бикеханум  Алибегова