Бинеяр Мегьарамдхуьруьн райондай тир машгьур спортсмен Руслан Сатие­ва и йикъара спортдин рекье нубатдин агалкьун къазанмишна. Бангкок шегьерда «ONE Championship» лишандик кваз кьиле фейи кесерлу турнирда чи ватанэгьлиди нубатдин сеферда викIегьвал къалурна.

Акъажунрин сергьятра аваз, ада Узбекистандай тир Санжар Закировахъ галаз бягьс тухвана. Лагьана кIанда, Закиров хъсан гьазурвилер авай, икьван чIавалди садрани кумукь тавунвай спортсмен тир, гьавиляй адан винел гъалибвал къачун регьят тушир. Амма Руслана вич адалай викIегь тирди субутна: пуд раунддин нетижада судьяйрин къарардалди бягьс лезги хцин хийирдиз акьалтIна.

Къейд ийин хьи, пешекарвилин спортда нубатдин агалкьун Руслан Сатиева къазанмишнавай ирид лагьай гъалибвал я. Икьван чIавалди ам садрани садазни кумукьнавач. Къуй адахъ мадни чIехи кукIушар муьтIуьгъарунин рекье агалкьунар хьурай!

Агьмед Магьмудов