Дербент районда 1 агъзур тонн ци­пицIар хуьдай гьамбархана эцигунин кIва­лахар акьалтIарнава, хабар гузва РД-дин уьзуьм­чивилин ва ички квай шейэрин базар гуьнгуьна тунин рекьяй Комитетдин регьбердин заместитель Агьмед Агьмедова.

«Агрофирма «Татляр» карханади  1000 тонн ципицIар хуьдай гьамбархана эцигунин кIвалахар эхирдал гъанва. Объектдин асул кьетIенвал ам я хьи, ина, ери квадар тавуна,  бегьер хейлин вахтунда хуьз жедай мумкинвал гудай ва и кар патал,  махсус газдикай менфят къачуналди, лазим шартIар яратмишдай технологияр ишлемишзава», – хабар гана ада. 

Къейдзавайвал, эцигунрин кIвалахар  карханадин хсуси такьатрин гьисабдай­ тамамарна. Амма, государстводин па­тай­ куьмек гунин серенжемрин сергьят­ра аваз, суьрсет къайидаказ хуьдай та­дара­кар маса къачуниз ийизвай харжийрин тайин кьадар пай иесидиз эвез хъийи­да. РикIел хкин, гьамбархана эцигунин кIва­лахар 2026-йисан гатфарихъ башламишнай. Абуруз серф авур инвес­тицияр тахминан 80 миллион манатдиз барабар я.

Комитетди хабар гайивал, алай вахтунда объектдал тадаракар  кардик кутунин, абур сад масадахъ галаз алакъалу авунин кIвалахар кьиле тухузва. Уьзуь­мар хуьн патал гьамбархана мукьвал вахтунда гьазур жеда.

Лагьана кIанда хьи, Къаякент райондин мулкунал «Краснопартизанский» СПК-дин бинедаллаз мад са объект – 2 агъзур тонн суьрсет гьакьдай гьамбархана эцигунин кIвалахар башламишнава.

Саида Мурадова