Россиядин ФСИН-дин Дагъустанда авай управленидин начальникдин заместитель, къенепатан къуллугъдин полковник Абдулгьахъ Абдулгьахъова Дагъустандин МВД-дин далу патан начальник, къенепатан къуллугъдин полковник Сефедин Эмирбеговахъ галаз санал кIвалахунин месэлаяр веревирд авуниз талукьарнавай гуьруьш кьиле тухвана. Кьилди къачуртIа, анал 2026-йисуз региондин пенитенциарный къурулушда МВД-дин заказар кьабулуниз ва кьилиз акъудуниз талукь кIвалах веревирдна.
А. Абдулгьахъова МВД-дин векил УИС-дин идарайра арадал гъизвай суьрсетдин каталогдихъ галаз, гьакIни ракьукай, кIарасдикай ва кьезил промышленностдин суьрсет акъудунин ва авай маса мумкинвилерихъ галаз танишарна.
Вичин нубатдай яз, С. Эмирбегова МВД ва адан подразделенияр патал офисдин мебелдин ва мес-яргъандин игьтияж авайди къейдна.
Гуьруьшдин нетижада кьве падни гележегда санал кIвалахунин, 2026-йис патал тайин заказрин план туькIуьрунин ва къиметар веревирд авунин икьрардал атана. И жуьреда кIвалахуналди МВД-дин подразделенияр ери авай ва ужуз къиметрай тир суьрсетдалди таъминариз жеда, гьакIни и карди дустагънавай ксар зегьметдалди дуьз рекьел хкуниз, абурухъ пешекарвилин тежриба хьуниз куьмекда.
Чи мухбир
