Са шумуд югъ идалай вилик Адыгеядин меркез Майкопда япариз зайифдаказ ван къвезвай 16-18 йисара­ авай жегьилрин арада Россиядин кIвен­кIве­чивал патал кьиле фейи акъажун­ра 150-далай виниз спорт­сменри чпин алакьунар ва устадвал­ къалурна. Чи ватанэгьли, вичин ери-бине Мегьарамдхуьруьн райондин Бут-Къаз­май­рилай тир Арзуман Нежведи­лов (53 кг-дин заланвал авайбурун арада) 1-чкадиз лайихлу хьана.

Къейд авун лазим я хьи, жегьилди вичин алакьунар дзюдодайни ахтармишза­ва. Адахъ агалкьунарни авачиз туш. Кьилди къачуртIа, ам 18 йисал къведал­ди яшда авай жегьилрин арада Россиядин, кьве сеферда Дагъустандин кIвен­­кIвечивал патал акъажунрин, гьакI респуб­ликадин ва Вирироссиядин турниррин гъалибчи я.

Рагнеда  Рамалданова