Вичин ери-бине Игъиррин хуьряй тир, Хасавюрт райондин Къурушрин хуьруьн участковый больницадин кьилин духтур, Госсоветдин Гьуьрметдин грамотадин сагьиб, 45 йисуз духтур-анестизиолог яз кIвалахай Закиров Сабир Закировичаз:

Хъсан духтур,  къени инсан –

Ваз вирина гьуьрмет ава.

Михьи я ви намус, виждан,

Ви кIвалахдиз къимет ава.

Са касдизни лагьанач ваъ –

Герек чIавуз куьмек гана.

Cагъар хъийиз начагъ ксар,

КIвенкIве хьана, зирек хьана.

Къе вун хайи юкъуз кьетIен

Ви шад межлис гурлу хьурай!

Ви уьмуьрдин гьар са жигъир

Экуь хьурай, нурлу хьурай!

Мубаракрай и шад сувар,

Сагъвал хьурай, уьмуьр – яргъи!

Кьабула на къенин тостар,

Ваз талукь я абур вири!

Ваз 70 йисан юбилей мубаракзавай вахар ва стхаяр: 

Сияра, Зулейха, Зияфат, Чичек, Гуьлмет, Агъамет ва Тельман