21-апрель РД-дин Гьукуматдин Председателдин заместитель Рамазан Жафарович Жафаров дидедиз хьайи югъ я. Рамазан Жафарович хайи чIалал акъатзавай «Лезги газетдин» вафалу амадагрикай сад я. ДатIана редакциядихъ галаз алакъаяр хуьзва, бязи рекьерай меслятар къалурзава ва герек хьайи гьар са легьзеда куьмекар гузва.
Баркаллу ватанэгьлидиз уьмуьрдин лишанлу югъ мубарак авуналди, чаз Рамазан Жафаровичахъ чандин сагъвал, яргъи уьмуьр, хизанда — хушбахтлувал, кIвалахдани еке агалкьунар хьана кIанзава.
Кьегьал хва я Ватандин
Къуллугъзавай датIана.
Хиве авай гьар са кар
Тамамарда кьатIана.
Гьар камуна эцигда
Намус сифте чкадал.
Къе туькIуьриз жедай кар
Вегьедай туш пакадал.
Гьуьрмет ава чIехи тир,
Куьн чи халкьдин дамах я.
Ватанперес къагьриман
Хайи хуьруьн дамах я.
Мубаракрай хайи югъ,
Чандин сагъвал хьурай квез.
Къуй чи Сад тир Аллагьди
Яргъи уьмуьр гурай квез.
Гьуьрметдивди, «Лезги газетдин» редакциядин коллектив
