Играми газет кIелзавайбур! Квез виридаз алукьнавай Рамазандин варз мубаракрай! Хуьзвай сивер, ийизвай дуьаяр, вири ибадатар Аллагьди кьабулрай. Амин!
Гьеле виликдай хабар гайивал, Рамазандин вацра чна газет кIелзавайбурун арада диндин конкурс тухудайвал я. Ана гъвечIибурувайни иштиракиз жеда, чIехибурувайни. Гъалибчийриз пулдин премияр ва багьа савкьатар гуда.
Конкурсдин суалар алатай йисан Рамазандин вацралай цIинин йисан Рамазандин вацрал кьван “Лезги газетдиз” акъатай диндин макъалайрин бинедаллаз гьазурдайвал я. Суалар ва конкурсдин шартIар къведай нумрада чапда.
«Лезги газет»
