«Лезги газетдин» алай йисан 26-нумрада Алкьвадар Гьасанан тIварцIихъ галай центради ФЛНКА-дихъ ва мергьяматлувилин «Леки» фондунихъ галаз санал «Лезги Къуръан – гьар са кIвализ» серенжем кьиле тухузвайдакай, диндин алим Ямин гьажи Мегьамедова гьазурнавай «Пак Къуръан ва адан манаяр лезги чIалал» ктаб гьавая, садакьа яз, пайзавайдакай хабар ганай.

Идахъ галаз санал а малуматда лезги районра и ктаб паюнин патахъай жавабдар ксарин нумраярни ганвай. Абурун гьакъиндай бязи дегишвилер хьанва. Мисал яз, Мегьарамдхуьруьн районда ктаб къачуз кIанзавайбурувай гила 8-989-871-84-91 (Саид) нумрадиз зенг ийиз жеда.

Идалай гъейри, Хасавюрт райондин ЦIийи Къурушрин хуьрени ихтилат физвай серенжем кьиле тухузва. И хуьруьн агьалийри «Пак Къуръан ва адан манаяр лезги чIалал» ктаб къачун патал 8-988-200-96-92 (Теймур) нумрадиз зенг авун герек я. Махачкъала ва Каспийск шегьерра авай чи ватанэгьлийривай ктаб «Лезги газетдин» редакциядай вахчуз жеда.