Гьуьрметлу газет кIелзавайбур!
Рамазандин варз мусурманар патал халис хазина я. Къуръанда ва са жерге гьадисра къейднавайвал, и вацра авур хъсан, къени, хийирлу кIвалахрай къвезвай сувабдин кьадар са шумуд сеферда гзаф жезва.
Мукьвара мергьяматлу са касди вичин такьатрихъ диндин алим Ямин гьажи Мегьамедован “Мугьаммад пайгъамбардин (къуй Аллагьдин патай салават ва саламар хьурай вичиз) уьмуьрдин рехъ”, “Исламдин эдебар, ахлакьар ва дуьаяр”, “Пайгъамбаррин варисар”, “Инсаниятдиз чешнелу ксар”, “Мусурман хуьдай къеле”, “Тажвид-илим” ктабрин са кьадар экземплярар маса къачунва. Ада ктабар, рамазандин вацра садакьа яз, лезги хуьрера авай мектебриз, ктабханайриз, медениятдин маканриз, диндин ктабар кIелиз кIанзавайбуруз паюн тIалабна.
И кардихъ галаз алакъалу яз, эгер газет кхьенвайбурун арада и ктабар кIелиз кIандай, амма чпихъ маса къачудай мумкинвал авачирбур аватIа, абурувай ва гьакIни мектебрин, ктабханайрин векилривай винидихъ тIварар кьур ктабар “Лезги газетдин” редакциядай пулсуз вахчуз жеда.
«Лезги газет»
