СтIал Сулейманан райондин исятда агьалияр яшамиш техжезмай, гадарнавай хуьрерикай сад Чантархуьр я. Ам райондин дагъларин ценерив гвай мулкара экIя хьанва. 

Хуьр арадал атай вахт малум туш. Адан тIвар бине кутур касдин хсуси тIварцIихъ галаз алакъалу я. Ана Къамбаяр, Урусар тIварар алай тухумар авай.

1886-йисан переписдин делилралди, Чантархуьре 34 майишат авай, чкадин жемят 174 касдикай ибарат тир (83 итим ва 91 дишегьли).

1977-йисуз хуьруьн агьалияр «Агъа СтIал» совхоздиз талукь чилерал куьч хьана. Алай вахтунда абур Агъа СтIал-Къазмайрал яшамиш жезва.

Мурад Мегьамедкеримован «СтIал Сулейманан район: ­тарихдин гелерай» ктабдай.