(Эвел — 16, 18-19, 26, 32, 38-39, 44-нумрайра)

КпIунин саламдин гуьгъуьнай кIелдай дуьаяр

Астагъфируллагь, Астагъфируллагь, Астагъфируллагь. Аллагьумма Анта ссалам ва минка ссалам табаракта я зал жалали валь икрам.

Астагъфируллагь (тIалабзава Аллагьдивай гъил къачун) (3 сефер). Я Аллагь, Вун я Саламатди (Вун михьи я: нукьсанрикай, синихрикай, рехнейрикай…), са Ви патай я саламатвал, лап берекатлу я Вун (вине я ва азим я), чIе­хивилин ва захавилин Сагьиб (Зуль-Жалал вал-Икрам) (Муслим).

Ла илагьа иллаллагьу вахIдагьу ла ша­рика лагьу, лагьуль мульку ва ла­гьуль­ хIамду вагьува гIала кулли щайъин къадир, аллагьумма ла манигIа лима агIтIайта вала мугIтIия лима манагIта вала янфагIу заль жадди минкаль жадду.

Авач илагьи (ибадат авуниз лайихлу тир) Аллагьдилай гъейри, Ам тек я, авач Адаз маса шерик, са Адаз талукь я гьакимвал (гьукум пачагьвал) ва гьямд (шукур). Ам гьар са шейинал къудратлу я. Я Аллагь, са касдивайни магьрум ийиз жедач Вуна гайиди ва са касдивайни гуз жедач Вуна магьрум авурди. Менфятсуз жеда мал-девлетдин сагьиб анжах Ви девлетдилай гъейри. (Бухарий).

Ла илагьа иллаллагьу вахIдагьу ла шарика лагьу, лагьуль мульку ва ла­гьуль хIамду ва гьува гIала кулли ща­йъин къадир, ла хIавла вала къуввата илла биллагьи ла илагьа илла ллагьу вала нагIбуду илла иййагьу лагьу ннигI­мату ва лагьул фазлу ва лагьу ссанауль хIа­сан, ла илагьа иллаллагьу мухлисина лагьуддина валав каригьаль кафирун.

Авач илагьи (ибадатдиз лайихлу тир) Аллагьдилай гъейри, сад я Ам, авач Адаз шерик, са Адаз талукь я гьукум (пачагьвал), са Гьадаз талукь я вири гьямд. Ам — гьар са шейинал (вири крарал) къудратлу я. Авач (садазни са кар ийидай) такьат ва къуват, анжах Аллагьдин патай я (къуватар), авач илагьи (ибадатдиз лайихлу тир) Аллагьдилай гъейри, са Адаз чна ибадатзава, са Адаз талукь я няметар, Адаз талукь я зурба регьимар, Адаз талукь я хъсан тарифар. Авач илагьи (ибадатдиз ла­йихлу тир) Аллагьдилай гъейри, (рикIин) сидкьидай михьиз (чна) Адаз дин талукьарнава, кафирриз а кар такIан ятIани (Муслим).

СубхIаналлагь (33); АлхIамдул­ли­лагь (33) Аллагьу Акбар (33). Ла илагьа иллаллагьу вахIдагьу ла шарика лагьу лагьуль мульку ва лагьуль хIамду ва гьува гIала кулли шайъин къадир.

“Субгьаналлагь” (пак я Аллагь) — (33 сефер), “Альгьамду лиллагь” (гьямд хьуй Аллагьдиз) — (33 сефер), “Аллагьу акбар” (Аллагь чIехи я) — (33 сефер). Авач илагьи (ибадатдиз лайихлу тир) Аллагьдилай гъейри, сад я Ам, авач Адаз шерик, са Адаз талукь я гьукум (па­чагьвал), са Адаз талукь я вири гьямд, Ам — гьар са шейинал (вири крарал) къудратлу я.  (Муслим).

Гьар (ферз) кпIунин гуьгъуьнай и сураяр кIелун лазим я

Бисмиллягьи ррахIмани ррахIим. Къуль гьуваллагьу ахIад, Аллагьу ссамад, Лам ялид ва лам юлад, Валам якуллагьу куфуван ахIад.

 Гьазурайди — Ямин Мегьамедов, диндин алим