Гатун тIатIилрин вахтунда Мегьарамд­хуьруьн райондин Советский хуьруьн мис­­кIинда школада кIелзавай аялар патал Къуръан кIелиз чирунай курсар тешкилнавай рушар авай дес­тедиз муаллим Фергана Панагьовади ва Саида Къагьримановади, гадаяр авай  дес­тедиз муаллим Ислам Рустамова Къуръандай тарсар гана.

29-30-августдиз сифте — рушарин, ах­па га­дай­рин арада хъсандиз­ Къуръ­ан­ кIелуниз ва диндай авай чирвилериз­ талукьарнавай конкурс кьиле фена­. ЧIехи гадайрин арада 1-чка кьур Ибрагьим Герейхановаз грамо­та ва савкьат яз велосипед гана. 2 ва 3-чкайриз лайих­лу хьайи Ислам Эфендиевавни Марат Юлчие­вав грамотаярни пулдин­ пишкешар вахкана. Гъве­­чIи гадайрин арада кIвенкIвечи чкаяр Юсуф Герейханова, Азиз Азизова, Рагьим Демирова кьуна.

Гъалиб хьайи рушарин арада Самира­ Эфен­диева, Ханум Гьа­би­­­бова, Латифа Керимова, Сабина Къагьриманова, Азиза Юлчиева ава.

Конкурсдин эхирдай виридаз — мугьманризни иштиракчийриз — дадлу хуьрекар алай суфра ачухна.

Сулейман  Пашаев,

РФ-дин журналистрин Союздин член