Ихтияррикайни...
И мукьвара Махачкъалада, 5-нумрадин лицейдин актовый залда, Дагъустандин юстициядин министерстводин патав гвай общественный советдин председатель, РД-дин Кьилин патав гвай агъсакъалрин Советдин, Россиядин писателрин союздин член, профессор, РАЕН-дин член-корреспондент, РФ-дин Президентдин ва РД-дин Кьилин грантрин сагьиб, запасда авай полковник Ислам Мегьамедова диде-бубайринни аялрин ихтиярриз ва мажбурнамайриз талукь яз гъавурдик кутадай серенжем кьиле тухвана. Лицейдин педколлективди, аялри ва абурун диде-бубайри иштиракай мярекатда, гьам диде-бубайри, гьамни аялри къанунда къалурнавай ихтияррин бинедаллаз чпин хиве авай мажбурнамаяр кьилиз акъудун кьетIендаказ веревирдна.
РикIел хкин: алай йисуз М. Мегьамедова Дагъустандин Кьилин грантдин куьмекдалди диде-бубаяр, аялар, педагогар ва кIелдайбурун гегьенш къатар патал «Права и обязанности родителей и детей» ктаб чапдай акъуднава. Ана диде-бубайринни аялрин ихтияррикай ва мажбурнамайрикай (РФ-дин 1995-йисан 29-декабрдиз кьабулай 223-нумрадин «Хизандин кодекс» ФЗ-дай), «Дагъустан Республикада гьукуматдин хизандин сиясатдин, яшайишдин куьмекдин, хизандин, дидевилин, бубавилин ва аялвилин ихтиярар ва закондин итижар хуьнин гьакъиндай» РД-дин закондикай кхьенва.
Рагнеда Рамалданова