5-майдиз РФ-дин Госдумадин депутат Нурбаганд Нурбагандов Ахцегь райондин активдихъ галаз гуьруьшмиш хьана. Гуьруьшдин эвел кьиляй райондин кьил Абдул-Керим Палчаева мугьмандиз сагърай лагьана.

— Гьуьрметлу юлдашар, чун пара жавабдар ва четин девирда яшамиш жезва, — башламишна вичин ихтилат Н. Нурбагандова — Россияди вичин азадвални аслу туширвал патал рагъакIидай патан, НАТО-дин гзаф уьлквейрихъ галаз­ женг чIугвазва. Дуьньядин 1 лагьай ва Ватандин ЧIехи девейра хьиз, абурун мурад-къаст чун телефун, жемят лукIвиле тун, девлетар къакъудун я. Алатай дяведа­ чпин фашист бубаярни чIехи бубаяр магълуб хьунал абур сакIани рази жезвач. Фашистринни нацистрин хтуларни птулар гьакъикъи тарих цIийи кьилелай кхьин хъийиз алахънава. Амма и кар абурулай алакьдач, вучиз лагьайтIа, чи женг гьахълуди я. Игит бубайрин краралди тербияламиш хьанвай чи рухвайри, чпин чанарни къурбанд ийиз, СВО-да душман тергзава. 13 да­гъус­танвидикай РФ-дин Игитар, гзафбур женгинин орденризни медалриз лайихлу хьанва. Гъалибвал, гьелбетда, далу патан фронтдилайни пара аслу я. Гьавиляй фронтдиз гьар сада вичелай алакьдай куьмекна кIанда. Рази­вилелди къейд ийин, и жигьетдай Ахцегь район республикада вилик жергейра ава.

Гуьруьшдилай кьулухъ депутатди яшайишдин гьар жуьре месэлайрай районэгьлияр кьабулна, абуруз алакьдай куьмекар гун хиве кьуна.

Дашдемир Шерифалиев