Июлдин юкьвара Каспийск шегьерда, Али Алиеван тIварцIихъ галай спорткомплексда, грэпплингдай республикадин дережада аваз тешкилнавай акъажунар кьиле фена.

«Лезгиспорт» порталди хабар гузвайвал, ана бинеяр Кьурагь райондай тир Гьажи Гьабибуллаевани иштиракна. Гьасиррал 71 килограммдин заланвилин категориядай экъечIай жегьил 2-чкадиз лайихлу хьана.

Гьажи Гьабибуллаева спортдин майданра вичикай хабар гана са акьван гзаф вахт туш. Алай вахтунда ам спортдин рекьин эвел кьиле ава. Къуй а рехъ гьяркьуьди, гъалибвилерив ацIайди хьурай!

РикIел хкин, алатай йисан февралдиз «Лезги газетдин» редакциядин вафалу амадагрикай сад, бинеяр Кьурагьрин хуьряй тир Фахрудин Гьамидова агалкьунар авай районэгьлийриз – спортсменриз талукьарнавай мярекат кьиле тухванай. Адан сергьятра аваз, меценатдин патай пишкешриз лайихлу хьайибурун арада Гьажи Гьабибуллаевни авай.

Агьмед Магьмудов