19-апрелдиз “Лезги газетдин” редакцияда гьар йисуз рамазандин вацра газет кIелзавайбурун арада Ислам диндиз талукь яз кьиле тухузвай конкурсдин гъалибчийрив савкьатар вахкана.
Къейд ийин хьи, конкурс тешкилайбурун арада медениятдинни марифатдин Алкьвадар Гьасанан тIварунихъ галай центр ва “Лезги газетдин” редакция авай.
Конкурсдин кIвалахриз диндин алим Ямин Мегьамедова къимет гана. Гъалибчийрив савкьатар вахкунин мярекатда адани «Лезги газетдин» кьилин редактор Мегьамед Ибрагьимова иштиракна.
Конкурсдин нетижада 1-чка Ахцегь райондай тир Замир Султанбегова, 2️ ва 3-чкаяр СтIал Сулейманан райондай тир Демир Шагьбановани Раиса Алиметовади кьуна.
З.Султанбеговаз диплом, телефон, 15 агъзур манат пулдин пишкеш ва маса савкьатар гана. 2, 3-чкаяр кьурбур дипломриз, 12, 9 агъзур манатдин кьадарда аваз пулдин пишкешризни маса савкьатриз лайихлу хьана.
Агьмед Магьмудов
