Дагъустанда 27-30-августдиз­ Вирироссиядин милли веща­нидин «Евразиядин сес – 2026» фестиваль кьиле фена­. Нубатдин сеферда кьиле фейи мярекатди Дагъустан уьл­кведин жуьреба-жуьре ре­гионрай тир журналистри суьгьбетар ийидай кьилин майданрикай садаз элкъвенвайди тестикьарна. 

Фестиваль шад гьалара ачухунин мярекатда РД-дин Халкьдин Собранидин председателдин заместитель Камил Давдиева, РД-дин рекъемрин рекьяй вилик финин, информациядин ва печатдин министрдин везифаяр вахтуналди тамамарзавай Юрий Гьамзатова ва масабуру иштиракна.

Журналистрин пешекарвилин дережа хкажунин, милли чIа­ларал телевиденидин, радиодин проектар арадал гъунин карда сада-садаз тежриба чирунин, Россиядин халкьарин адетар хуьнин ва еримлу авунин макьсаддалди тешкилзавай фестиваль агалунин мярекатда, РД-дин Кьилин везифаяр вахтуналди тамамарзавай Ф. Щуки­нан тIварцIихъай тебрикдин гафар лугьуналди, РД-дин Гьуку­матдин Председателдин сад лагьай заместителдин везифаяр вахтуналди тамамарзавай Рамазан Жафарова иштиракна. 

ВГТРК-дин генеральный директор Р. Са­битова къейд авурвал, тIвар кьунвай телевидениди уьлкведин дережада Россия­дин халкьарин 57 чIалал хабарар гузва, Дагъустанда лагьай­тIа, – 14 чIалал.

Фестивалдин сергьятра аваз тухвай конкурсдин нетижа­да­ са жерге коллективрив Гран-при­ вахкана, гьа жергедай яз  «Да­гъустан» ГТРК-див ва «Да­гъустан» РГВК-див.

Чи  мухбир