Халкьдин фронтди Дагъустанда гатфариз ятар акьалтуникди зиянар хьайибуруз пулунин такьатар гунин «Чун вахъ гала, Дагъустан» серенжем тешкилна. Идакай «ТАСС» чешмеди хабар гузва.

Къейдзавайвал, НФ-дин серенжемдик цIудралди регионар, масадан дердидикай хабар кьадай агъзурралди ватандашар, волонтерар, карчияр ва тешкилатар экечIна. Санлай къачурла, 46 миллион манатдилай виниз такьатар кIватIна. Абур инсанриз куьмек яз ва къурулушарни яшайишдин идараяр гуьнгуьна хтун патал рекье туна.

«Такьатар кIватIунин серенжемди вири уьлкве сад авуна. ТIебиатдин бедбахтвилин судурар арадай акъуднава. Талукьбуруз куьмек ганва», - къейднава халкьдин фронтдин малуматда.

Къайдадик кутун хъувур объектрикай сад республикадин дережадин метлеб авай «Аракандин майдан – Унцукуль – Сагъридин муьгъ» шегьре я. Халкьдин фронтди яд авачиз амукьай агьалийрин, майишатрин месэла гьялун патал полиэтилендин турбаяр ва герек тир маса затIар маса къачуна.

"Лезги газет"