Гьа ихьтин тIвар алаз Махачкъаладин «Россия – зи тарих» комплексдин музейдин залда Россиядин «Чирвал» тешкилатди ва Дагъустандин образованидинни илимдин министерстводи тешкилнавай чирвилер гудай зурба экспозиция ачухнава. Дяведин махсус серенжемдин иштиракчийрин игитвилерикай суьгьбетзавай ада 31-октябрдалди кIвалахда.

Са шумуд месэладиз талукь выставка десантникрин, танкистрин, летчикрин, саперрин, штурмовикрин, военный духтуррин баркаллу крариз талукьарнава. Дагъустанвийрин игитвилериз кьетIен фикир ганва. Тамашачийривай кьегьал рухвайрикай гьикаяйрихъ, суьгьбетрихъ яб акализ, кинохроникайриз килигиз жеда. Аскеррин шейэрихъ галаз таниш жедай мумкинвални ава. Ида музейдиз къвезвай инсанриз СВО-дин гьакъикъи гьалар фикирдиз гъиз куьмекзава.

Выставка ачухдайла, гьукумдин органрин, диндин, жемиятдин, ветеранрин тешкилатрин векилри, Россиядин Игитри иштиракна. Сифтебурукай яз, выставкадиз «Юнармиядин», жегьилрин тешкилатрин дестеяр килигна. Абурун вилик экъечIна рахай РД-дин Халкьдин Соб­ранидин Председателдин заместитель Елена Павлюченкоди лагьана:

«Куьне чи игитрал дамах авун лазим я. ­Ватан, чпин багърияр, дустар, аялар рикIе аваз, абуру душмандихъ галаз жуьрэтлуви­лелди женгер чIугуна. Куьнни ахьтинбур жез ала­хъ».

Нариман Ибрагьимов