Махачкъалада, «Мавел» чапханада, диндин алим Ямин Мегьамедован нубатдин кьве ктаб чапдай акъатнава: «Пайгъамбаррин варисар» ва «Тажвид-илим» — лезги чIалал».

Сад лагьай ктабда кьуд мазгьабдин имамрикай – Абу Гьанифадикай, Маликакай, аш-Шафиидикай, Агьмадакай (Аллагь рази хьурай чпелай), мусурманрин кьушунрин регьберрикай, Исламдин зурба эгьмият авай инсанрикай малуматар гьатнава, Исламдин илимрикай сад тир фикъгьидикай раханва.

Кьвед лагьай ктабдикай Къуръан кIелиз чириз кIанзавайбурувай менфят къачуз жеда. Ана авторди Къуръан кIелдай къайдаяр ганва ва тажвид-илимдин кьетIенвилерикай раханва.

Къейд ийин хьи, гьар са ктабдин тираж 1000 экземплярдиз барабар я. Абур «Лезги газетдин» редакциядай маса гузва. Къимет – 100 манат.

РикIел хкин, идалай вилик Ямин гьажидин къелемдикай лезги чIалал «Инсаниятдиз чешнелу ксар», «Исламдин эдебар, ахлакьар ва дуьаяр», «Мугьаммад Пайгъамбардин (къуй Аллагьдин патай салават ва саламар хьурай вичиз) уьмуьрдин рехъ» ктабар хкатна. Къуръандин аятрин манаяр лезги чIалаз элкъуьрнавайдини Ямин Мегьамедов я.

Чи мухбир