Дагъустанда гзаф халкьар яшамиш жезва. Дуствилелди, стхавилелди. Сада-садаз куьмекар гуз. Тарихдайни дагъви халкьар душмандин вилик сад хьайи мисалар гзаф гъиз жеда. Им Дагъларин уьлкведин чIехи девлет я.

Шак алачиз, гьар са халкьдихъ лайихлу векиларни ава. Чи йикъара гзаф кьадар дагъустанвийри – аварри, даргийри, лезгийри, яхулри, къумукьри ва маса миллетрин векилри – Россиядин шегьерра, гьатта къецепатан уьлквейра кIвалахзава. Абурун арада гьар жуьредин пешейрин сагьибар ава.

Мукьвара РД-дин Кьилин везифаяр вахтуналди тамамарзавай Фёдор Щукина арадал гъанвай «Команда Дагестана» программа гьахьтинбур патал кардик кутунва. Кар алакьдай, бажарагълу дагъустанвияр хайи республикадиз ;елб хъувуна, чкадал зегьмет чIугвадайвал.

Ашкъи ва мумкинвал гьар са дагъустанвидивай и программа иштиракиз жеда. Виридалайни хъсан нетижаяр хьайибурал республикадин гьукумдин органра жавабдар къуллугъар ихтибарда.

Проектдикай гегьеншдиз «Команда Дагестана» сайтдай кIелиз жеда. 

Мердали Жалилов, шаир, публицист, жемиятдин деятель