23-декабрдиз Махачкъалада, Расул  Гьам­затован тIварцIихъ галай ктабханада, Дагъустандин эдебиятдин классик Етим Эмин дидедиз хьайидалай инихъ 185 йис тамам хьуниз талукьарнавай шиират­дин­ межлис кьиле фена. Мярекат­ «Лезги газетдин» редакциядин куьмекдалди Алкьвадар Гьасанан тIварцIихъ галай медениятдинни марифатдин центради тешкилнавай.

Шииратдин межлисдин иштиракчийрин арада республикадин жемиятдинни сиясатдин векилар, алимар, тарихчияр, филологар, шаирарни гьи­каятчияр, студентарни школьникар­ авай.

Мярекат А.Гьасанан тIварцIихъ галай центрадин директор Сефербег Гьамидова ачухна ва эхирдал кьван гьада кьилени тухвана. Етим Эминан уьмуьрдин ва яратмишунрин рекьикай чпин фикирар мярекатдал РД-дин Гьукуматдин Председателдин заместитель Нариман Абдулмуталибова, Тахо-Годидин тIварцIихъ галай институтдин директор Альбина Аруховади, «Лезги газетдин» кьилин редактор Мегьамед Ибрагьимова, А.Гьасанан тIварцIихъ галай центрадин активдин член Энрик Муслимова, Дагъустандин халкьдин шаир Фейзудин Нагъиева, Дагъустандин халкьдин писатель Абдуселим Исмаилова, чIехи шаирдин ирс ахтармишзавай алим Мансур Куьревиди ва масабуру лагьана.

Мярекатдин сергьятра аваз декабрдин вацра А.Гьасанан тIварцIихъ галай центрадини «Лезги газетдин» редакцияди меценат Шагьпаз Асаханован куьмекдалди уьлкведин дережада аваз Етим Эминан «РикIел гъваш» шиир кIелунай кьиле тухвай онлайн-конкурсдин гъалибчийривни­ тафаватлу хьайи иштиракчийрив ша­багьар вахкана. Къейд ийин хьи, конкурсда 7, 8, 9-классра кIелзавай 130-далай виниз аялри иштиракна.

Нетижада 1-чка Мегьарамдхуьруьн райондин Самур хуьруьн мектебдин 9-классдин ученица Заира Маллаевади, 2-чка СтIал Сулейманан райондин Кьасумхуьруьн 1-нумрадин мектебдин 8-классдин ученик­ Нариман Бабаханова, 3-чка СтIал Сулейманан­ райондин Агъа СтIал-Къазмайрин мек­тебдин 8-класс­дин ученик Регьадин Гьажиева, 4-чка Мегьарамдхуьруьн райондин ЦIийихуьруьн мектебдин 8-классдин ученица Хадиджа Гьажиевади, 5-чка Мегьарамдхуьруьн рай­­ондин Муьгъверганрин хуьруьн мек­тебдин 7-классдин ученица Майтаб Мегьамедэминовади кьуна.

«Мектебра кIелзавай аялар» номинацияда гъалиб хьайи и вад аялдиз дипломар, ктабар ва 25, 20, 15, 12, 10 агъзур манатдин кьадарда аваз пулдин пишкешар гана.

«Вузрин студентар» номинациядай конкурсда лап тIимил ксари иштиракун себеб яз, и номинациядай гъалибчиярни тайин хьанач. Конкурсдин тешкилатчийри аниз чара авунвай такьатар «Мектебра кIелзавай аялар» номинацияда тафаватлу хьайи 20 аялдин арада пайдай къарар кьабулна. Абурувни дипломар, лезги шаиррин ктабар ва 5 агъзур манатдин кьадарда авай пулдин пишкешар вахкана. Абурун жергеда агъадихъ галай аялар авай:

Рамазанова Самира — Кьурагь­ райондин Кьурагьрин хуьруьн 1-нум­ра­дин мектебдин 9-классдин ученица, Темирханова Зухра — Мегьарамд­хуьруьн райондин Гъепцегьрин хуьруьн мектебдин 8-классдин учени­ца, Рамазанова Диана — СтIал Сулей­манан райондин ЦIийихуьруьн мек­теб­дин 9-классдин ученица, Къади­ров Руслан — Мегьарамдхуьруьн рай­ондин­ Кчун-Къазмайрин мектебдин 8-клас­сдин ученик, Тагъиева Фатима — Кьурагь райондин Моллакент хуьруьн мектебдин 9-классдин ученица, Жамидинова Камила — Докъузпара райондин Къаракуьре хуьруьн мектебдин 9-классдин ученица, Гьажиметова Зейнаб — Мегьарамдхуьруьн райондин­ Уружбайрин хуьруьн мектебдин 7-классдин ученица, Алхасова Айша — Мегьарамдхуьруьн райондин Бут-Къазмаяр хуьруьн мектебдин 7-классдин ученица, Шагьмарда­нов Вагьид — Мегьарамдхуьруьн райондин Мегьарамдхуьруьн 2-нумрадин­ мектебдин 7-классдин ученик, Тагьи­рова Гьуьрия — Кьурагь райондин­ КIи­рийрин хуьруьн мектебдин 7-класс­дин ученица, Идрисов Муслим — СтIал Сулейманан райондин ЦIийихуьруьн мектебдин 7-классдин ученик, Велиханова Диана — Мегьарамдхуьруьн райондин Гъепцегьрин хуьруьн мектебдин 7-классдин ученица, Улухано­ва Изнифат — Мегьарамдхуьруьн райондин Хожа-Къазмайрин мектебдин­ 8-классдин ученица, Ханбутаев­ Артур — Мегьарамдхуьруьн райондин Фи­лерин хуьруьн мектебдин 8-класс­дин ученик, Ягъибегова Латифа — Ме­гьарамдхуьруьн райондин Кчун-Къазмайрин хуьруьн мектебдин 9-клас­сдин ученица, Гьамидова Гьалимат — Кьурагь райондин Кьурагьрин­ хуьруьн 2-нумрадин юкьван мектебдин 7-классдин ученица, Нурмегьамедова Шемсият — Ахцегь райондин Ахцегьрин хуьруьн 3-нумрадин мектебдин 8-класс­дин ученица, Шихкеримова Милана — Мегьарамдхуьруьн райондин Кчун-Къазмайрин хуьруьн мектебдин 7-классдин ученица, Доюшова Назханум — Мегьарамдхуьруьн райондин КьепIир-Къазмайрин хуьруьн мектебдин 9-классдин ученица, Агъаева Рамиля — Мегьарамдхуьруьн райондин Бут-Къазмайрин хуьруьн мектебдин 8-классдин ученица.

Агьмед  Магьмудов