Бакудай - гъалибвал гваз
И йикъара Азербайжандин меркезда дзюдодай Европадин союзди (EJU) тешкилзавай «Надежды европейского дзюдо» лишандик кваз тухвай турнир акьалтIна. Акъажунра, санлай къачурла, 10 уьлкведай атанвай саки 300 дзюдоистди иштиракна.
СтIал Сулейманан райондин администрациядин пресс-къуллугъди хабар гузвайвал, международный дережада аваз кьиле фейи и акъажунра бинеяр Кьасумхуьрелай тир Ислам Ибрагьимовани вичин алакьунар къалурна.
Кьасумхуьруьнвиди вичин къуватар 81 килограммдин заланвилин категорияда алцумна. Вири бягьсер гъалибвилелди акьалтIарунин нетижада Исламакай турнирдин чемпион хьана.
Чна жегьилдиз чIехи агалкьун мубаракзава!
Чи мухбир