17-октябрдиз Дербент шегьерда алай аямдин Россиядин мулкарал Ислам дин атайдалай инихъ 1382 йис тамам хьуниз талукьарнавай «Ислам в Дербенте в эпоху благородных сподвижников» лишандик кваз международный дережадин илимдинни диндин конференция кьиле фида. Мярекат РД-дин Кьилин грантдин куьмекдалди тухузва.

РД-дин милли сиясатдин ва динрин крарин рекьяй министерстводин, «Центр поддержки гражданских инициатив Республики Дагестан» АНО-дин, ДГУ-дин ва ДГИ-дин куьмекдалди конференция тешкилзавайди Алкьвадар Гьасанан тIварцIихъ галай медениятдинни марифатдин центр я.

Конференцияда Саудиядин Аравиядай, Къиргъизистандай, Азербайжандай, Ирандай тир алимри, РАН-дин, Дагъустандин илимрин центрадин, гьукумдин векилри, тарихчийри, филологри, студентри иштиракда.

Мярекатдин сергьятра аваз, экуьнин сятдин 9-даз ДГУ-дин филиалдин актовый залда иштиракчийри докладар кIелдай илимдин секция кьиле фида. Нисинин сятдин 3-даз Дербентдин медколледждин актовый залда конференциядин нетижаяр кьадай пленарный заседание жеда.

Чи мухбир