Гъилевай йисан 20-февралдиз Кьасумхуьрел, хайи лезги чIалаз талукьарна гьар йисуз тухун адет хьанвай районрин уртах илимдинни тежрибадин конференция эвер гузва. Ам тешкилзавайбур Сулейман-Сталь–ский райондин администрация ва ДГУ-дин филологиядин факультетдин Дагъустандин чIаларин кафедра я.
И сеферда конференция лезги ва Дагъустандин литературадин классик Етим Эминан 180 йисан юбилейдихъ галаз алакъалу авунва. Анал лезги литературный чIал арадал атунин ва вилик тухунин карда Етим Эминан ирсинин метлеблувал ва чIалахъ галаз алакъалу хейлин маса месэлаяр (санлай цIудав агакьна докладар) веревирдда.
Конференциядиз хайи чIалал ва литературадал ашукь вирибуруз (муаллимриз, алимриз, яратмишзавай ксариз, студентриз, школайра кIелзавай аялриз) теклифзава.
Мярекат Кьасумхуьрел йикъан сятдин 11-даз башламишзава.
Тешкиллувилин комитет.
