Мукьвара РФ-дин Президент Владимир Путина Украинада кьиле физвай махсус серенжемдин иштиракчи тир дагъустанви Ярамир Темирхановав Россиядин Игитдин Къизилдин гъед вахкана. Къейд ийин хьи, Я.Темирханов СВО-да иштиракзавай дагъустанвийрикай и тIварцIиз лайихлу хьанвай 18-кас я.

Игитдин бинеяр Табасаран райондин Куркак хуьряй я, хизанар Дербент райондин Белиж поселокда яшамиш жезва.

Дагъустандин Кьил Сергей Меликова вичин телеграм-каналда Ярамир Темирхановаз Игитдин тIварцIиз лайихлу хьун мубаракна ва адан женгинин рекьикай суьгьбетна. «Вичин жегьил яшаризни килиг тавуна, Ярамира мотострелковый бригададиз регьбервал гузва. Кьегьалвилелди, нетижаяр аваз! Заз адан агалкьунрикай идалай вилик са шумуд сеферда хабарар гана. Женгера гьикьван четинвилерал ацалтзаватIани, чи ватанэгьли­ди — викIегь командирди — хивевай буржи­ дирибашвилелди тамамарзава. Адаз пуд сеферда «Жуьрэтлувиляй» медаль ган­ва, ам ДНР-дин Игитдин тIварцIиз лайих­лу хьанва. Гила адакай Россиядин Игит хьанва. За адаз, кьегьалдин диде-бубадиз и шад вакъиа мубаракзава…», — кхьенва Сергей Меликова.

Агьмед Магьмудов