Скачать

«Лезги газетдин» цIийи 7-нумра яшайишдин отделдин редактор Рагнеда Рамалдановадин «Кьиблепатан Дагъустандиз – къулайдаказ, сагъ-саламатдиз» макъаладилай гатIуннава. Автор макъалада алай вахтунда республикадин шегьеррай лезги районриз физвай жемиятдин гьихьтин улакьар аматIа, автостанцияр гьихьтин гьалда аватIа, пассажирар санай-масаниз тухузвай улакьрин къиметар ни тайинарзаватIа… гьадакай рахазва. Адан суалриз РД-дин транспортдин, энергетикадин ва алакъадин министерстводин автомобилрин транспортдин отделдин начальник Ибрагьим Гьашимова жавабар ганва.

Нубатдин нумра РФ-дин Генпрокуратурадин комиссияди Дагъустанда кьиле тухвай кIвалахрин нетижайрикай, Ахцегь районда арадал атай мусибатдин дуьшуьшдикай, «Дидевилин капиталдик» акатнавай цIийивилерикай, коррупциядикай, гьукумдикай, сечкийрикай, чIалакай ва хейлин маса темайрай кхьенвай макъалаяр гьатнава. «Чи ватанэгьлияр – гьар сана» рубрикадик кваз Бикеханум Алибеговади Астраханда уьмуьрзавай чи машгьур ватанэгьлидикай кхьенвай макъала ганва. Нумрада гьакIни рагьметлу Гуьлмегьамед Шугаеван шиирар, Сардар Абилан Афгъанистандикай кхьенвай романдай са чIук гьатнава. Газетдин нумрада итижлу макъалаяр мадни ава. ЦIийи нумра кIелун патал онлайн-подписка туькIуьрна кIанзава.